Distansya't oras

Daffney Danielle Cuchado

Walang mga bakas ang iniwang pag-ibig Kung mananatili ba ito sa sandaling pag-kabig Sa oras na napakabilis na maglapit At sa distansyang pilit naglalayo sa ating pagkapit

Mananatili pa rin ba ang mga ngiti sa iyong mapupulang labi? Mananatili pa rin ba ang saya sa tuwing tayo’y magkasama? Mananatili pa rin ba ang sakit, sa pagkabalisa ng mga matang nakapikit? Mananatili pa rin ba ang init sa tuwing tayo ay magdidikit? Mananatili pa rin ba ang matatamis na halik sa oras na ika’y magbalik?

Mananatili ka pa rin ba..

Mananatili ka pa rin..

Mananatili ka..

Mananatili..

Sana. Dahil pinanghahawakan ‘ko ang pangakong nagmistulang Istatwa sa pagkulong sa akin Ang tali pa rin ba’y nakakapit? Kahit na

Napakabilis ng oras maglapit At pilit pinaghihiwalay ng distansya Ang ating pagkapit?